«ish haqi» tegli maqolalar
O‘zbekistonda hokimliklar xodimlarining ish haqini oshirish rejalashtirilmoqda
Iqtisodiyot va moliya vazirligiga O‘zbekistonda hokimliklar xodimlarining mehnatiga haq to‘lash va ularni moddiy rag‘batlantirish miqdorini oshirish bo‘yicha takliflar ishlab chiqish topshirildi. Viloyatlar hokimliklari boshqaruv apparatining yangi namunaviy tuzilmasi tasdiqlanmoqda.
O‘zbekistonda 10 oyda 5,8 mlrd so‘mlik ish haqi va nafaqa talon-toroj qilingan
Bosh prokuratura O‘zbekistonda o‘tgan 10 oy ichida ish haqi va nafaqa pullarining 5,8 mlrd so‘mi talon-toroj qilinganini aniqladi. Bundan tashqari, kredit mablag‘larining 2,5 trln so‘mi talon-toroj qilingani aniqlanib, bank va mijoz korxonalar rahbarlariga nisbatan 906 ta jinoyat ishlari qo‘zg‘atilgan.
2025-yilda ish haqi, pensiya va nafaqalarni inflyatsiya darajasidan past bo‘lmagan miqdorda oshirish rejalashtirilmoqda
2025-yilda O‘zbekistonda budjet tashkilotlari xodimlarining ish haqi, pensiya va nafaqalarni inflyatsiyadan past bo‘lmagan darajaga oshirish rejalashtirilmoqda (inflyatsiya prognozi 7 foiz). 2024-yilda ish haqi va pensiyalarni oshirish uchun rejalashtirilganidan kamroq mablag‘ ajratildi.
Maktab ta’limi vazirligi o‘qituvchilarning ish haqi kechikishi sabablarini tushuntirdi
O‘qituvchilarning ish haqi kechiktirilgani haqida xabarlar tarqaldi. MMTV axborot tizimida texnik muammolar bo‘lganini aytdi. Iqtisodiyot va moliya vazirligi 9-oktabr tongiga qadar o‘qituvchilarning 95 foiziga oylik tushganini ma’lum qildi. Qonunchilikda ish haqi kechikkani uchun kompensatsiya nazarda tutilgan.
O‘zbekistonda kuzda ish haqi, pensiyalar va nafaqalar miqdori oshiriladi
O‘zbekistonda 1-sentabrdan boshlab pensiyalar va nafaqalar 15 foizga oshiriladi. 1-oktabrdan esa budjet tashkilotlari xodimlarining maoshi 10 foizga, o‘qituvchilar va tibbiyot xodimlarining maoshi esa 15 foizga ko‘tariladi.
O‘zbekistonda real oylik ish haqi ikkinchi chorakda deyarli o‘smadi
O‘zbekistonda joriy yilning ikkinchi choragida nominal hisoblangan o‘rtacha oylik ish haqi 3,5 foizga, real ish haqi (inflyatsiyani hisobga olgan holda) esa atigi 0,2 foizga oshdi. Deyarli barcha tarmoqlarda o‘sish sur’atlari sekinlashdi, qurilishda pasayish kuzatildi.
Enter Engineering va Saneg xodimlari maosh bir necha oydan beri kechikayotganini aytmoqda. Nimalar ma’lum?
Enter Engineering va Saneg xodimlari maosh oylab kechikayotgani haqida muntazam xabar beryapti. Maosh berilishini talab qilayotgan ishchilarning foto va videolari internetda ham bir necha bor tarqaldi. “Gazeta.uz” xodimlar bilan vaziyat va ularni bu kompaniyalarda nima ushlab turgani haqida gaplashdi.
“Xodimlarning ish haqi buyurtmachi oldida bajarilgan ishning muvaffaqiyatiga bog‘liq”. Enter Engineering — quruvchilarning ish haqi kechikayotgani haqida
Enter Engineering xodimlari ish haqi kechikayotganidan shikoyat qilmoqda, Olmaliqdagi 3-MBF ishchilari uch oydan beri maosh olmayotgani haqida xabarlar tarqaldi. Kompaniya vaziyatga izoh berib, fevral oyi uchun maosh to‘laganini, ish haqi buyurtmachi oldida bajarilgan ishning natijasiga bog‘liq ekanini ma’lum qildi.
2023-yilda o‘rtacha ish haqi 17,2 foizga oshdi, ta’lim va sog‘liqni saqlash sohalarida o‘sish sekin kechmoqda
O‘zbekistonda 2023-yilda o‘rtacha nominal ish haqi 17,2 foizga oshdi — 4,55 mln so‘m. O‘sish sur’ati 2021−2022-yillarga nisbatan pastroq bo‘ldi. Poytaxt va viloyatlar o‘rtasidagi ish haqi farqi o‘sishda davom etmoqda. Eng past ish haqi hamon sog‘liqni saqlash va ta’lim sohasida saqlanib qolmoqda.
Moliya vazirligi budjet tashkilotlari xodimlarining maoshlari kechikayotganiga izoh berdi
O‘zbekistonda budjet tashkilotlari xodimlariga dekabr oyidagi maoshlarini to‘lash kechikmoqda. Iqtisodiyot va moliya vazirligi buni buxgalteriya hisobini yuritish yangi tizimiga o‘tgani bilan izohladi va besh ish kuni ichida ish haqini to‘liq moliyalashtirishga ishontirdi.
1-dekabrdan ish haqi, pensiya va ijtimoiy nafaqalar miqdori 7 foizga oshadi
Prezident farmoni bilan 1-dekabrdan ish haqi, pensiyalar va ijtimoiy nafaqalar miqdori 7 foizga oshiriladi. Shuningdek, bazaviy hisoblash miqdori (BHM) 340 ming so‘m etib belgilanmoqda.
2024-yilda ish haqi, pensiya va stipendiyalar miqdori oshirilishi rejalashtirilmoqda
O‘zbekistonda 2024-yilda davlat budjetining ish haqi, pensiyalar, stipendiya va nafaqalar miqdorini va ayrim xizmatlarning tariflarini oshirish bilan bog‘liq xarajatlari 9,6 trln so‘mni tashkil etadi. Umumiy hisobda ish haqi, pensiya va stipendiyalarga davlat budjeti xarajatlarining yarmidan ko‘pi yo‘naltiriladi.
Navbatdan tashqari attestatsiyadan o‘tib, malaka toifasini oshirgan tibbiyot xodimlariga qo‘shimcha haq to‘lanadi
O‘zbekistonda o‘z xohishi bilan navbatdan tashqari attestatsiyada qatnashib, malaka toifasini oshirgan tibbiyot va farmatsevtika xodimlariga oshirilgan malaka toifasi bo‘yicha haq to‘lanadi.
O‘zbekistonda 6 oyda o‘rtacha oylik ish haqi 4,3 mln so‘mni tashkil etdi — Statistika agentligi
Statistika agentligining hisobotiga ko‘ra, O‘zbekistonda yanvar-iyun oylarida o‘rtacha oylik ish haqi 4,3 mln so‘mni tashkil etgan. Ish haqining eng yuqori ko‘rsatkichlari Toshkent shahri (7 million so‘m), Navoiy viloyati (5,6 million so‘m) va Toshkent viloyatida (4,3 million so‘m) kuzatilgan.
Ish haqi, pensiya, nafaqa va stipendiyalar miqdori muntazam oshirib boriladi — prezident
Prezident ish haqi, pensiya, nafaqa va stipendiyalar miqdori muntazam oshirib borilishini bildirdi. Buning uchun budjetdan har yili qo‘shimcha 30−40 trln so‘m ajratish kerak bo‘ladi. Shuningdek, davlat rahbari har yili yuzlab yangi bog‘chalar, maktab va shifoxonalar qurish lozimligini ta’kidladi.
1-maydan BHM 330 ming so‘m etib belgilandi
O‘zbekistonda 1-maydan mehnatga haq to‘lashning eng kam miqdori 980 000 so‘m, bazaviy hisoblash miqdori 330 000 so‘m etib belgilandi. Shuningdek, budjet tashkilotlari xodimlarining ish haqi miqdori 7 foizga oshirildi.
O‘zbekistonda ish haqi va pensiyalarni yana oshirish va’da qilinmoqda
2023-yilda O‘zbekistonda ish haqi, pensiya va nafaqalarni yana bir bor oshirish rejalashtirilgan. Bahorgi o‘sish 7 foizni tashkil etishi allaqachon xabar qilingan. 1-sentabrdan yana 10 foiz qo‘shish rejalashtirilgan.
O‘zbekistonda 1 apreldan pensiyalar, 1 maydan esa davlat xodimlari oyliklari oshadi
O‘zbekiston prezidenti 1 apreldan pensiyalar, 1 maydan boshlab esa davlat xizmatchilarining ish haqi va bazaviy hisoblash miqdorini oshirish to‘g‘risidagi qarorni imzoladi. O‘sish o‘rtacha 7% ni tashkil qiladi.
Shifokorlarga qo‘shimcha ustama to‘lanadigan olis hududlar ro‘yxati tasdiqlandi
Shifokorlar oylik ish haqiga qo‘shimcha har oylik ustama to‘lanadigan 297 ta olis va chekka hudud ro‘yxati tasdiqlandi. Ularning maoshiga 2 mln so‘m ustama belgilanadi va ipoteka asosida uy-joy sotib olishda 50 foizigacha, biroq BHMning 500 barobaridan oshmagan qismi qoplab beriladi.
1 iyundan oylik ish haqlari oshiriladi
1 iyundan budjet tashkilotlari xodimlarining ish haqi 12 foizga oshiriladi. Mehnatga haq to‘lashning eng kam va bazaviy hisoblashning yangi miqdorlari belgilanmoqda.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- O‘zbekistonning har bir tuman va shahrida kamida bittadan inklyuziv maktab tashkil etiladi
- Video: Buxorodagi xonadonda gaz portladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- O‘zbekistonda dollarning rasmiy kursi ilk bor 13 000 so‘mdan oshdi
Qo‘shimcha imkoniyatlardan foydalanish uchun saytda ro‘yxatdan o‘ting